തോട്ടപ്പുഴശ്ശേരി
ഗ്രാമ പഞ്ചായത്ത്

പമ്പാ നദിയുടെ തീരത്ത് സ്ഥിതി ചെയ്യുന്ന ചരിത്രപ്രസിദ്ധവും പ്രകൃതി സൗന്ദര്യത്താൽ അനുഗ്രഹീതവുമായ ഗ്രാമമാണ് തോട്ടപ്പുഴശ്ശേരി. തോടുകളും പുഴയും ചേരി പ്രദേശങ്ങളും ചേർന്നതിനാലാണ് ഈ പ്രദേശത്തിന് തോട്ടപ്പുഴശ്ശേരി എന്ന പേര് ലഭിച്ചതെന്ന് ഐതിഹ്യം പറയുന്നു. തെക്കുംകൂർ രാജ്യത്തിന്റെ പ്രധാന അതിർത്തി പ്രദേശങ്ങളിലൊന്നായിരുന്ന ഇത് ചരിത്രഗ്രന്ഥങ്ങളിൽ ശ്രദ്ധേയ സ്ഥാനമുണ്ട്. മാരാമൺ പള്ളിക്ക് സമീപം ഇടപ്രഭുക്കന്മാർ കോട്ടകൊത്തളങ്ങളോടെ വാണിരുന്ന പ്രദേശം ഇന്നും കോട്ടപ്പുരയിടം എന്ന പേരിൽ അറിയപ്പെടുന്നു. മാർത്താണ്ഡവർമ്മ മഹാരാജാവും രാമയ്യൻ ദളവായും നടത്തിയ ആറന്മുള യുദ്ധവുമായി ബന്ധപ്പെട്ട പൂവത്തൂർ പടനിലം ഈ ഗ്രാമത്തിലാണ്. നൂറ്റാണ്ടുകൾ പഴക്കമുള്ള ഗ്രന്ഥങ്ങളിൽ തോട്ടപ്പുഴശ്ശേരിയെയും സമീപ പ്രദേശങ്ങളെയും കുറിച്ച് പരാമർശമുണ്ട്. വൈഷ്ണവരുടെ ദിവ്യദേശമായ ആറന്മുള ക്ഷേത്രവുമായി ഈ പ്രദേശത്തിന് അടുത്ത ബന്ധമുണ്ട്. ക്ഷേത്ര വികസന പ്രവർത്തനങ്ങളിൽ മാളിയേക്കൽ...